Link açıqlığı

Keriçniñ deñiz vokzalında «Kaliningrad» büyük desant gemisinde bulunmaq içün yüzlernen insan nevbetke tizildi, dep bildire Qırım.Aqiqat mühbiri.

Arbiy gemi Keriçke paradda iştirak etmek içün Novorossiyskten keldi. Ekskursiyalar mında mayıs 10-na qadar keçirilecek.

Bu gemiler Lehistanda 1974-1985 seneleri quruldı. Leyhanıñ çerçivesinde 17 böyle gemi qurulğan edi.

4080 tonnalıq gemi deñiz desantnı abadanlaştırılmağan yalıda tüşürmek ve deñizden ordu ve yüklerni taşımaq içün yapılğandır. Onıñ vastası ile tanklarnı bile taşımaq mümkün.

Türkiye ve Rusiye matbuat vastalarınıñ malümatına köre, bu seneniñ başında BDK «Kaliningrad» arbiy tehnika ile cenkleşken Suriye yalısında körüngen edi.
XS
SM
MD
LG