Qurtarıcılar Keriç yanında "Port-Krım" suv keçiti yanında er kişi cesedini taptı.
Kreml nezaretindeki Qırım FVN bildirgeni kibi, aqay iyül 30-ında aqşam ğayıp oldı. Onı suv astı qıdıruvı vaqtında taptılar.
Bir kün evel Keriçte Balıq limanı yanında adamlar, suvdan ölgen aqay cesedini çıqardı. Adise yerine qurtarıcılar, acele yardım hadimleri ve politsiya vekillerini yolladılar. Ölüm sebepleri muayyen etile.
Qurtarıcılarnıñ malümatına köre, Qırımda yılnıñ başından 34 suv qazası oldı, 22 adam elâk oldı.
