Rusiye nezaretindeki Qırım ekologiya nazirliginiñ matbuat hızmetiniñ beyanatına köre, Keriç yalısı yanında suvnıñ cermay mahsulatı ile bulaştırılğan yerler tapıldı.
Müessiseniñ mütehassısları, yalı boyu reyd teşkerüvini yapqanlarını bildirdi.
"Keriçniñ yalı boyunda deniz suvunıñ üstünde kökquşağı renklerinde cermay çıtası ve lekeleri bar, deñiz dalğalanğandan, olar üzülmey. Avada cermay qoqusı düyüla. Amma reyd teşkerüvi vaqtında cermay mahsulatını tökken gemi tapılmadı", - denile beyanatta.
Müessisede qayd etilgeni kibi, deñizniñ cermay mahsulatınen bulaşuvı aqqında haberni Rusiye Tabiat Nezaretiniñ Qara deniz ve Azaq deñizi idaresine yolladılar.
