Qırımnıñ Keriç şeerinde ve Yedi Quyu rayonında suv basuvı neticesinde eki yüzden çoq ev zarar kördi, biñden çoq kişi ivaz etilüvini bekley, dep haber ete Qırımnıñ Rusiye baş naziri Yuriy Gotsanük.
«Ekinci suv basuvından zarar körgen sakinlerge ivaz etüv esnası kete. 1120 insandan çoq. Tünevin bir emir imzalandı, eñ yaqın künleri para zarar körgen vatandaşlarğa kelecek. Keriçte ve Yedi Quyu rayonınıñ bir qısmında tahminen 240 ev», – dep yazdı Gotsanük Facebook saifesinde.
Daa evel berilgen malümatqa köre, Rusiye ükümeti yaz selinden zarar körgen Keriç ve Yaltadaki azbarlarğa qoşma olaraq 930 mln ruble ayıracaq.
Fevqulâde vaziyetler nazirliginiñ matbuat hızmeti avgust ayında Keriçte olğan suv basuvı 2 mln rubleden çoq zarar ketirdi.
