Rusiye İİN-niñ Keriç idaresi ve şeer memuriyeti, çoq qatlı evlerniñ kirişlerinde ve yanındaki azbarlarda video qoruv sistemalarını tikmege tevsiye ete. Bu aqta rusiyeli Keriç memuriyetiniñ matbuat hızmeti bildirmekte.
Poliste bunı yapmağa, hırsızlav, adamlarğa ve mal-mülklerine qarşı zorbalıq, vandallıqtan saqınmaq içün ve terror eylemlerinden vazgeçmek içün, tevsiye eteler.
"Video qoruv sistemaları, cinayetçilik ve terror eylemlerinden saqınmaq ve operativ-qıdıruv tedbirlerniñ müddetini qısqartamağa imkân berir. Çoq qatlı evlerniñ sakinlerine, podyezdlerde ve yanındaki azbarlarda video qoruv sistemalarını tikmege tevsiye etemiz", - denile matbuat hızmetiniñ beyanatında.
Em de müessise qayd etti ki, video qoruv sistemasını qoyacaq şahsiy evlerniñ saipleri, kameraları qomşu evlerniñ azbarlarına yöneltilmemek kerek, çünki akis alda, qomşular bunışahsiy ayatqa kirişüv kibi qabul etmek mümkün, ve olar mahkemede dava açsalar, demontaj aqqında qarar çıqarıla bile.
