Saba Keriçte Qırım köpründe patlav yüz berdi. Bunıñ aqqında yerli haber vastaları bildire. Şu cümleden Kerch.fm portalı haber ete. Aynı zamanda yanğınnıñ foto ve videolarını yerli sakinleri yayınlay.
Patlav saba saat 6-da yüz berdi. Yol ve yük treni ateş içinde, de p haber ete Kerch.fm. Bundan ğayrı yolnıñ bir parçası dağıldı.
"Qırım demiryolu" Federal devlet unitar şirketiniñ malümatına köre, yük treniniñ quyruğında yaqıt tsisternası patlağan. Sebepler daa belli degil. Yerli başlıqlarnıñ malümatına köre, naqliyat areketi toqtatılğan. Gemiler qatnavı Keriç boğazı üzerinden qapatılmapağa, arabalar içün paromlı keçit azırlanmaqta.
İşğal etilgen Qırımnıñ yolbaşçısınıñ mesleatçısı Oleg Krüçkov, yanğınnı sözdürmege tırışqanlarını bildirdi.
"Sebepler ve aqibetler aqqında bir şey aytmaq daa erte", -dedi o.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
