Keriçniñ merkeziy rayonında, Samoylenko soqağındakanalizatsiya kollektorı yırtılıp çiqqanı içün yolğa çirkef suvları töküldi, dep bildire Qırım.Aqiqat mühbiri.
Kollektor birinci kere aprelniñ 16-sında yırtılğan edi, Keriç suv hızmetleri tökülivni toqtattı, amma ertesi künü soqaqqa kene çirkef suvlar töküldi.
Qırım.Aqiqat mühbiri bildirgeni kibi, qaza alâ daa toqtatılmadı. Kirli suvlar kanalizatsiya quyusından yolğa, çirkef suvu borularına aqa, anda ise Meslek Çesme özenine tüşe.
Şeerniñ rusiyeli akimiyeti bir qaç kün aqıp turğan çirkef suvlarnı, olğan qazanı tefsir etmey.
