Oktâbrniñ 8-nde patlav ve yanğın neticesinde zarar körgen Keriç (Qırım) köprüniñ kirişinde büyük nevbet peyda oldı. Bu aqta Qırım Telegram kanalları haber ete.
«Keriç köprü ögünde balaban tıqanıqlıq peyda oldı. 4,5 saat turamız. Ğaliba, maşinalarnı boltçıqlarğa qadar baqalar. 40 daqqa içinde ögümizdeki bir maşina keçti. Bu Qırım yolu», – dep bildire «ÇP/Simferopol».
Qırımlı Rusiye Federatsiyasınıñ Devlet duma deputatları Leonid Babaşov Daile Storm izaatında bildirgenine köre, Keriç köprüniñ kirişinde yengil maşinalarnıñ baqıluvı bir qaç etapta ola.
«Yolcular maşinalardan çıqıp, çerçiveden keçip teşkerile. Er şey keregi kibi. Özüm daa keçmedim, amma işdeşlerim keçip ayttı. Köpürdeki normalar bu», – dep ayttı Babaşov.
Oktâbrniñ 17-nde Rusiye akimiyeti Keriç köpründe avtobus areketini yañıdan başlattı. Bundan soñ Rusiye tarafından tıqanıqlıq oldı. Rusiye Naqliyat nazirliginiñ malümatına köre, soñki künde köpürde 80 avtobus keçti.
Oktâbrniñ 8-nde saba Qırım köpründe patlav oldı. Rusiye tahqiqatçılarınıñ versiyasına köre, yük maşinası patladı. Neticede eki maşina yolu zarar kördi, patlav sebebinden ya da aynı vaqıtta köpürniñ tren yolundan ketken yük treni yanıp başladı.
Rusiye prezidenti Vladimir Putin bu patlavnı "terakt" dep adlandırdı, onıñ icracıları ve sımarış etkenler Ukrayina mahsus hızmetleri ola. Rusiye Tahqiqat komiteti Rusiye Ceza kodeksiniñ 205-inci maddesine («Terrorizm») istinaden cinaiy dava açtı.
Ukrayına Baş istihbarat idaresiniñ spikeri Andrey Yusov Rusiyeniñ Keriç köpründe patlav tahqiqatını «saçmalıq» dep adlandırdı.
Ukrayına resmiy şahısları izaat bermey. Prezident ofisiniñ yolbaşçısı Mıhaylo Podolâk «Putinniñ şahsiy leyhasını» patlatuv – rusiyelilerniñ işi ve arbiy reberlikniñ FSBge qarşı ücümi ola, dep ayttı.
Bulğaristan ve Gürcistan Keriç köpründe patlatılğan yük olarnıñ sıñırlarından keçti degen Rusiye tahqiqatınıñ malümatını red etti. Ermenistan «Keriç köpründe terakt kerçekleştirüvde aracılıq» aqqında cinaiy dava açtı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
