2018 senesi oktâbr 17-sinde atış ve patlav olıp keçken, Keriç politehnik kolleciniñ binasında 2019 senesi yanvar 14-ünde dersler keçirilip başlaycaq.
Bu atqa Qırımnıñ rusiyeli başı Sergey Aksönov bildirdi.
“Bina tamirini yanvarniñ 10-unda bitirmek kerek, yanvar 14-ünde korpus endi studentlerge açıq olacaq. Er künlük yaşayış qayta”, - dedi Aksönov.
Oktâbrniñ 17-nde, çarşenbe künü, Keriç politehnik kollecinde patlav ve atışuv oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Facia neticesinde 21 insan elâk oldı. Qırımda üç künlik matem ilân etilgen edi.
Oktâbrniñ 19-nda Keriçte ve Yedi Quyu rayonında ücüm qurbanlarınıñ cenazeleri qılındı. Vedalaşuv merasimine biñlernen insan keldi.
Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.
