Keriçte kütleviy öldürüv. Adise yerinden video

Keriç politehnik kollecinde patlav çarşenbe künü üylege yaqın yüz berdi. Bu saatte anda dersler keçirile edi ve içeride talebe ve ocalar bar edi. Şaatlarnıñ aytqanına köre, ateş ve patlav sesleri kele edi. Neticede 21 insan elâk oldı, 40-tan ziyade yaralandı. Rusiyeniñ terrorizm ile küreş milliy komiteti bildire ki, politehnik oquv yurtunda çeşiti belli olmağan bir patlayıcı işletildi. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi».