Link açıqlığı

Saatnıñ esas haberi

Keriç civarında erkekler mermi kesmege tırıştı: bir kişi elâk oldı, eki insan yaralandı – kütleviy haber vastaları


Aqyarda tapılğan Ekinci cian cenki zamanınıñ ava bombası
Aqyarda tapılğan Ekinci cian cenki zamanınıñ ava bombası

Keriç civarındaki Maryevka köyünde Ekinci cian cenkinden qalğan mermini parçalarğa bölmege tırışqan bir erkek elâk oldı, eki adam yaralandı. Yerli kütleviy haber vastalarınıñ aprelniñ 23-nde bildirgenine köre, adise tünevin aqşam oldı.

«Kerç – moy gorod» saytınıñ malümatına köre, mermi patlavı neticesinde bir kişi qaza yerinde can berdi, ekincisi qafa-miy yarası ile reanimatsiyada buluna. Mermi parçası üçünci kişiniñ qulağını kesti.

Şaatlarnıñ «Kerç FM» şeer saytına bildirgenine köre, yerli sakinler tapqan mermini maden qırıntısına parçalamağa tırıştı.

Qırımdaki Rusiye FSBsi idaresiniñ matbuat hızmetiniñ saytında adisenen bağlı malümat şimdilik yoq.

Qırımda ve Aqyarda Ekinci cian cenki zamanından qalğan mermiler sıq-sıq tapıla.
Yaramadada mayınsızlaştıruv taqımlar çalışa.

Aprelniñ 12-nde Bağçasaray rayonınıñ Alma Tamaq (Pesçanoye) köyüniñ deñizinde mütehassıslar Ekinci cian cenkinden qalğan beş ava bombasını zararsız alğa ketirdi.

XS
SM
MD
LG