Kembric professorı Rori Finnin "Ukrainian Studies Go Global" leyhası çerçivesinde ukrayin studentleri içün Qırım aqqında lektsiya oquycaq.
"Ukrayina prezidentiniñ tasil, ilim ve sportnı destekleme fondunıñ teşebbüsi ile ömürge keçirilgen leyha çerçivesinde oktâbr ve noyabr ayları devamında ukrayin ve çetel tedqiqatçılar arasında Ukrayina studiyaları mevzusında onlayn körüşüvler, lektsiyalar ve muzakereler keçirilecek", - dep yazıla bildirmede.
Birinci tedbir Kembric professorı Rori Finninniñ "Qırımtatar tarihı ve medeniyetiniñ edebiyat ve birdemlik vastası ile araştırılması" mevzusında onlayn lektsiya olacaq.
Onlayn lektsiya vaqtında professor Rori Finnin "Başqalarnıñ qanı: Stalinniñ Qırım cinayeti ve birdemlik poetikası" kitabında aks olunğan tedqiqatınıñ neticelerini paylaşacaq.
Evel qırımtatarlarnıñ sürgün etilmesi aqqında "Başqalarnıñ qanı: Stalinniñ Qırım cinayeti ve birdemlik poetikası" kitabı Rafal Lemkin kitap mukâfatı finalistleri cedveline alınğan edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
