Ukraina ve ğarp sinoptikleriniñ bildirgenine köre, mart başı içün sıcaq avadan soñ ava arareti bu mevsimge ait derecege eksilecek.
Martnıñ 9-nda Ukrainanıñ büyük qısmında daa sıcaq olacaq, martnıñ 10-ndan başlap ise «yağmur yağacaq, şimalden ava arareti yavaş-yavaş eksilecek», dep bildire sinoptik Natalya Didenko.
«Bu suvuq kelecek afta devamında olacaq», – dep qoşa o.
Bundan evel bu raatlıq künleri Qırımda sıcaq ve quru ava olacaq, dep haber etilgen edi. Qırım antitsiklon tesiri altında olacaq, ava yarımada sakinlerini baar küneşi ve sıcağınen quvandıracaq.
