Qırımda kelecek afta üç iş künü, dört raatlıq künü olacaq, dep bildire Kreml kontrolindeki yarımadanıñ Emek nazirligi.
Nazirlikniñ malümatına köre, mayısnıñ 9, 10, 11, 12-si raatlıq olacaq. Mayısnıñ 8-nde iş künü bir saatqa qısqartılacaq.
Bu afta Qırımda tek bir iş künü oldı – aprelniñ 30-ı.
Rusiye işğal etken Qırımda 2014 senesinden soñ «Zafer künü» sovet ve Rusiye bayramı Qızıl Ordu ve sovet halqınıñ natsist Almaniyanı yeñgen bayramı olaraq qayd etilmekte. Ukrainada mayısnıñ 8-nde Hatıra ve barışıq künü olaraq qayd etilmekte, mayısnıñ 9-nda Ekinci cian cenkinde natsizmni yeñüv künü.
