Kelecek afta Qırımda suvuqlar başlanacaq. Bu aqta yerli Gidromettsentrniñ matbuat hızmeti haber etti.
“İş aftasınıñ başında yağanaqlar ve yel zayıflaşacaq, amma suvuqlar başlanacaq. Gece ava arareti -12…-17°, cenübiy tarafta -8…-10° olacaq; kündüz -5…-10°, cenübiy tarafta 0…-5° olacaq; dağlarda gece ve kündüz -12…-17° olacaq”, – dep yazıla bildirmede.
Hatırlatamız ki, Qırımnıñ yalıboyu tarafına ketken yolda qar sebebinden tıqanıqlıq oldı.
Qırım boyunca Rusiye Fevqulâde vaziyetler nazirligi, yanvarnıñ 17-nde Qırımnıñ merkezinde ve şarqında qar yağması ve qar boranı olacağını tahmin ete.
