Mezarlıq yerleştirüvi içün, Qırım devlet mülkiyetinden Kefe (Feodosiya) belediye mülkiyetine 35 gektarlıq yer parçası ayırılacaq. Bu aqta rusiyeli Qırım akimiyetiniñ oturışında topraq işleri naziri Anna Anühina bildirdi.
Onıñ aytqanına köre, qabristan yerleştirmek içün Seyitler (Nijnegorskiy) rayonına da 8,5 gektarlıq yer ayırmağa niyetleneler.
“Krıminfinform” saytı bildirgenine köre, bu leyhalar kelecek parlament oturışında baqılacaq.
Daa evel akimiyet, Kezlevdeki (Yevpatoriya) İsmail Bey qasabasınıñ mezarlığını keñleştirmek içün 12,6 gektar topraq ayırdı.
