Link açıqlığı

Saatnıñ esas haberi

Kefedeki yanğın: şeerniñ Rusiye yolbaşçısı «vaziyetniñ stabilleşüvi» aqqında bildirdi


Kefedeki cermay bazasında yanğın – 2024 senesi oktâbrniñ 10-u
Kefedeki cermay bazasında yanğın – 2024 senesi oktâbrniñ 10-u

İşğal etilgen Kefeniñ Rusiye yolbaşçısı İgor Tkaçenko raketa darbesinden soñ cermay bazasında çıqan yanğın vaziyeti stabilleşti, dep bildirdi.

«Saba saat 8-den başlap cermay terminalında meşal ateş yoq. Vaziyet stabilleşti ve kontrol altında buluna», – dep yazdı o, Telegram kanalında.

Onıñ aytqanına köre, şeerde yanğınnı söndürüv işi devam ete. Tkaçenkonıñ malümatına köre, saba avada zeerli madde qarardan ziyade degil edi.

Evelsi aqşam Kefedeki cermay bazasında daa bir yaqıt tsisternası patladı. Rusiye kontrolindeki Qırım yolbaşçısı Sergey Aksenov «yanğın sebebinden terminallardan birinde yanıcı maddeler töküldi», dep haber etti.

Kefedeki cermay bazasına oktâbrniñ 7-ne keçer gecesi ücüm etildi. Ukrayina Silâlı quvetleriniñ Baş ştabı cermay bazası «Rusiye Federatsiyasınıñ işğalci ordusınıñ ihtiyaclarını qarşılamaq içün» qullanalar, dep bildirdi. Kütleviy haber vastaları Kefe cermay terminalı – Qırımda cermay mallarınıñ miqdarına köre eñ büyüktir, dep yazğan edi.

ASTRA malümatına köre, cermay bazasına eki ATACMS raketası ücüm etti. Darbe neticesinde eñ az 10 ve 5 biñ kubometrlik eki tsisterna zarar kördi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG