Mayıs 29-ında Kefede şahsiy evde yanğın oldı, onda beş yaşındaki bala elâk oldı.
Bunı Rusiye FVN-niñ Qırım idaresi bildire.
"Qaza yerine kelgende, üç qatlı evniñ üçünci qatında yanğın olğanı belli oldı. İlk alınğan malümatqa köre evde üç adam bar edi: qadın ve eki bala. Saat 11:06 ateş tarqalması toqtatıldı. O 50 kvadrat metr mıntaqasını qapladı. Yazıq ki, amma yanğın neticesinde beş yaşındaki oğlançıq elâk oldı", - dedi müessise başı Sergey Şahov.
Onıñ malümatına köre, qaza yerinde 30 qurtarıcı çalıştı. Yanğınnıñ sebepleri aydınlatılmadı.
Mayısnıñ 23-ünde aqşam Aqyarda Bolşaya Morskaya soqağında üç qatlı evniñ damında yanğın oldı, onı beş saat söndüre ediler. Yerli qurtarıcılarnıñ malümatına köre, 23 adam, şu sıradan 8 bala, tahliye etildi.
Mayısnıñ 24-ünde gece Kezlevde yanğın oldı, onıñ sebebinden evniñ sakonleri tahliye etildi.
