Kefede Rusiye Federatsiyası kontrolindeki şeer memuriyeti martnıñ 3-nde Rusiye arbiyleriniñ talim atışlarını ilân etti, olar kündüz ve aqşam keçirilecek. Mütenasip haber, müessiseniñ içtimaiy ağlardaki saifelerinde derc etildi.
"Bugün, saban ayınıñ 3-nde, saat 15.00-ten 17.00-ge qadar atış talimleri keçirilecek. Sakin qalmaqnı ve tek resmiy malümatqa işanmaqnı rica etemiz", — dep aytıla beyanatta.
Rusiye Federatsiyasınıñ arbiyleri muntazam sürette Kefede arbiy talimler ve atışlar keçire. Keçken ay devamında eñ azından beş böyle tedbir keçirildi, dep bildire şeerniñ Rusiye memuriyeti.
Rusiye Federatsiyasınıñ arbiyleri muntazam sürette Feodosiyada arbiy talimler ve atışlar keçire. Keçken ay devamında eñ azından beş tedbir keçirildi, dep bildire şeerniñ Rusiye memuriyeti.
Bundan evel Qırımtatar resurs merkezi, Qırımda 2025 senesi Rusiye ordusı eñ azından 70 arbiy talim keçirdi, dep bildirgen edi. Bunıñen beraber, QRM-niñ evelki bildirüvlerine köre, talimlerniñ çoqusı keçken seneniñ birinci yarısında keçirilgen.
QRM, 2024 senesine nisbeten talimlerniñ sayısı eksilgenini qayd ete, o vaqıt eñ az 124 tedbir qayd etilgen edi.