O şunı da qoştı ki, yanğan neft bazasınıñ etrafından tahliye etilgen sakinler evlerine qaytalar. Bugün Yaqın Qamış rayonınıñ sakinlerine ketirilgen zararnıñ qıymetlendirüvi başlandı.
Tkaçenko, Ukraнina Silâlı quvetleriniñ ücüminden soñ yüz bergen yanğın ile bağlı vaziyet stabilleşkenini bildirdi.
Kefedeki neft bazasına oktâbrniñ 7-ne keçken gecesi ücüm etildi. Ukrayina Silâlı quvetleriniñ Baş ştabı neft bazasını "Rusiye Federatsiyasınıñ işğalci ordusınıñ ihtiyaclarını temin etmek içün de qullanalar" dep ilân etti. Kütleviy haber vastaları yazğanına köre, Kefe neft taşuv terminalı — Qırımdaki eñ büyük neft mahsulatınıñ taşuvı.
ASTRA-nıñ malümatına köre, eki ATACMS raketi ile ücüm etildi. Darbe neticesinde eñ azından 10 ve 5 biñ kubometr tolu olğan eki tsisternası zarar kördi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
