TSN bildirgenine kore, endi ekinci kün devamında «Ukrnafta»nıñ üç hadimini tapıp olamaylar. Salı künü sabadan şırketniñ Kefedeki ofisine 20 silâlı adam kirdi. Özülerini başta «halq imayesi» soñra ise «havfsızlıq hızmeti» olaraq adlandırğanlar. Binadan bütün serverlerni ve vesiqalarnı çıqarğanlar. Şırketniñ Qırımdaki idaresiniñ reisini Andrey Habarovnı, onıñ muavinini ve daa bir ofis hadimini maşınağa oturtıp belgisiz olğan yerge alıp kettiler. Başqa hadimlerge işke çıqmamağa teklif ettiler.
«Ukrnafta» Qırımda 16 AZS tuta. Şimdi şirketniñ binası silâlı adamlar ile qırşavlandı. Anda kimseni yibermeyler. Şirketniñ baş ofisinde Qırım militsıyasına esirge alınğan hadimlerni tapmaq ve binanıñ zapt etilmesinen bağlı taqiq işini keçirmek talabınen ariza yazacaq olalar.
«Ukrnafta» Qırımda 16 AZS tuta. Şimdi şirketniñ binası silâlı adamlar ile qırşavlandı. Anda kimseni yibermeyler. Şirketniñ baş ofisinde Qırım militsıyasına esirge alınğan hadimlerni tapmaq ve binanıñ zapt etilmesinen bağlı taqiq işini keçirmek talabınen ariza yazacaq olalar.
