İşğal etilgen Kefede kurort mevisminiñ yoq olğanını muzakere eteler: şeerde ve turistler arasında populâr olğan Kurortnoye ve Beregovoye qasabalarında insan yoq.
Belli «Altın plâj» soñki yıllar içerisinde ilk sefer boştır. Yalı qavehaneleri, deñiz eglencelerinde de insan yoq.
Ufaq musafirhanelerniñ çoqusı qapalı, digerleri az buçuq areket ete.
«Altın plâj» turistik bazasında 600 yer bar, şimdi ise mında yetmiş insan yal ete. Keçken sene mında 550 insan yaşay edi. 550 insannı qabul ete bilgen Mudafaa nazirliginiñ şifahanesinde eki kün evelsi 16 adam bar edi», – dep aytı Qırım.Aqiqat mühbirine yerli sakin.
Umumen alğanda, yerli sakinlerniñ fikrince, raatlanğan insanlarnıñ sayısı keçken senege köre, 20%-dır.
Resmiy esaplarğa köre, 2013 senesi mayıs ortasından iyünniñ soñuna qadar Qırımnı 1,27 million turist ziyaret etti eken.
Qıtaiy Ukraina sakinleri yarımdanıñ işğalinden soñ raatlanmaq içün Bulğaristan, Gürcistan, Türkiye, Yunanistan, Hirvatistan ve İspaniyanı seçe. Rusiye ealisi arasında Qırımğa bu sene tek 3% kelmege azır.
