Çarşenbe künü aqşam Kefe (Feodosiya) yanındaki Orconikidze qasabasında 10-dan çoq gektar mıntaqada quru ot yanğını çıqtı. Bir qaç saatta yanığn 30 gektarnı qaplap aldı.
Bunı, Rusiye FVN-niñ Qırım idaresine atıf etip, bir sıra Qırım ve Rusiye matbuatı bildire.
"Saat 18:50 ealiden, Orconikodze qasabasında quru ösümlik yanıp başlağanı aqqında bildirüv keldi. Küçlü yel qısqa vaqıtta ateşni yaydırdı. Saat 21:30, orman müdirliginiñ malümatına köre, yanğın 30 gektarlıq mıntaqanı qapladı", - dep bildirdi Krıminform saytına müessiseniñ matbuat hızmeti.
Qurtarıcılar, daçalarnıñ yaqınlığını qayd etti, "yanğıncılar ateş tarqalamsına yol bermemege tırışa". TASS rusiye agentligi bildirgeni kibi, FVN malümatına köre, yanğın söndürmesinen 50 adam, şu cümleden askerler, ve 20 tehnika oğraşa.
FVN-nıñ Qırım idaresiniñ saytında şimdilik resmiy beyanat yoq.
Qırımda sentâbrniñ 20-sinece fevqulâde yanğın telükesi rejimi ilân etildi.
