Kefe yanında, Kaygador (Orconikidze) qasabasınıñ deñiz yalısında Ekinci Cian Cenkinden qalğan eki aviatsion bomba tapıldı. Bu aqta Qırımda rusiye FVN-niñ İdaresi bildirdi.
Müessiseniñ malümatına köre, bombalarnıñ ağırlığı 50 killogramğa qadar edi.
FVN, patlayıcı qısımlarnı bombalardan çıqarıp, mahsus poligonğa alıp kettiler ve, anda yoq ettiler dep bildire.
Bir kün evel Lübimovka köyünde suv tübünde tapılğan aviatsion bombanı yoq ettiler.
Qırım ve Aqyarda Ekinci Cian Cenkinden soñ topraqta qalğan mermiler ara-sıra tapıla. Yarımadada minasızlaştıruv taqımları çalışa.
