Aprelniñ 7-nde aqşam keç saatlarda ve aprelniñ 8-ne keçer gecesi Rusiye işğal etken Qırımda patlavlar eşitildi. Yerli saifeler Kefeyede "Deñiz cermay terminalı" cermay bazasında dron ücümi ve yanğın aqqında bildireler.
"Krımskiy veter" telegram kanalı aprelniñ 7-nde aqşam Aqmescitte ve Qırımnıñ cenübiy yalısında patlav sesleri aqqında yazdı.
"Saat 21.52-de Aqmescit civarında patlav eşitildi. "Belbek" uçaq alanından qırıcı köterild, cenübiy-şarqqa ketti. Qırımnıñ cenübits yalısında uçucısız ücümi oldı, ateş ve patlav. Simeizde kene uçucısız dalğası, atış ve patlav", – dep haber etti "Krımskiy veter" abunecileriniñ malümatına esaslanıp.
Telegram kanalı "Kefede küçlü patlav" aqqında haber etti.
"Kefedeki patlavdan evel Eski Qırım tarafına eñ az üç uçucısız uçtı. Kefede saat 01.00-de cermay bazasına ücüm yapıldı, yanğın çıqtı", – dep qayd etti "Krımskiy veter". Bundan ğayrı, kanalnıñ malümatına köre, yanğan Kefe cermay bazası yanında Keriç yolundaki demiryol keçitleri qapatıldı.
Kefedeki yanğın aqqında ASTRA telegram kanalı da şaatlarnıñ OSINT–levha taliline esaslanıp bildirdi.
"ASTRA ağda peyda olğan şaatlarnıñ levhalarını talil etip, şeerde "Deñiz cermay terminalı" civarında alev körüne, dep hulâsa çıqardı", – dep yazdı telegram kanalı.
Kefeniñ Rusiye akimiyeti vaziyetni izaatlamay, Rusiye Mudafaa nazirligi de ücüm aqqında bildirmey. Ukrayina arbiyleri darbeni şimdilik izaatlamadı.
Kefedeki cermay terminalına qarşı evelki darbe orta küz ayınuñ 6-na keçken gecesi endirildi, bu aqta yerli telegram kanalları bildirdi, soñra Ukrayina silâlı quvetleri de haber etti. Bu terminal Ukraytna Mudafaa küçleriniñ ücümlerine ilk sefer oğramay. Rusiye-Ukrayina cenki vaqtında 34 rezervuardan 12-si zarar kördi.
Kefedeki cermay terminalı Ukrayina ücümlerine endi oğrağan edi – Ukrayina silâlı quvteleri 2024 senesi oktâbrniñ 7-ne keçer gecesi cermay bazasına ücüm etken edi. Kefedeki cermay bazasında yanğın bir aftadan ziyade devam etti.
Terminal yılda 12 million tonna cermay malı keçirgen ve aynı vaqıtta 250 biñ tonna mal saqlamaq içün savutları olğan eñ büyük soyu ola.
2022 senesinden başlap yarımadağa er kün ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etilgenini tasdıqlamay.