Kefe (Feodosiya) tarafından Aqmescit (Simferopol) kirişinde bir qaç kilometrlik naqliyat tıqanıqlığı.
Qırım.Aqiqat mühbiri bildirgeni kibi, tıqanıqlıq Beş Terek (Donskoye) köyü yanında başlandı. Onıñ sebebi - "Tavrida" trassasınıñ bu qısmında yapılğan yol töşeme işleri.
Bundan evel haber etilgen edi ki, "Tavrida" trassasından yük maşnalarnı eski Aqmescit - Qarasuvbazar - Kefe - Keriç yoluna avuştırdılar. Yol areketiniñ telükesizligini temin etmek içün, yürüş sıñırlavı sentâbrniñ soñuna qadar ükümsürecek.
"Qurulıp turğan "Tavrida" trassasınıñ Aqmescitten Keriçkece 190 kilometrlik qısmı 2018 senesiniñ soñunda açılğan edi.
Rusiye ükümeti "Tavrida" avtomobil trassasınıñ qurulışını 2022 senesi bitirmege niyetlene.
Qırım Naqliyat Nazirliginiñ tahminlerine köre, "Tavrida" trassasından Keriçten Aqmescitkece yol qararnen eki saatlıq olacaq, Keriçten Aqyarğa ise - üçten azca.
