Kefe civarındaki Otuz (Şçebetovka) qasabasında Rusiye uquq qoruyıcıları "terrorizm ile küreş" talimleri keçirilgeni içün Kefe-Sudaq yolunda areketni sıñırladı, dep aytıla Rusiye kontrolindeki şeer memuriyetiniñ haberinde.
"Fevralniñ 27-nde operativ hızmetlerniñ azırlığını teşkermek içün belediye okrugında terrorrizm ile küreş talimleri keçirilecek. Talimler Kefe qasabasında saat 10-dan 18-ge qadar ötkerilecek. Yol-patrul hızmetiniñ hadimleri Otuz qasabası çerçivesinde Kefe-Sudaq yolunda naqliyat areketini sıñırlaycaq. Âyalarnıñ da areketi sıñırlı olacaq", – dep aytıla haberde.
Qırımtatar resurs merkeziniñ haber etkenine köre, 2025 senesi Rusiye işğal etken Qırımda Rusiye ordusı eñ az 70 arbiy talim keçirdi. QRM evelki haberlerine köre, talimlerniñ büyük qısmı keçken seneniñ ilk yarısında oldı – iyulniñ soñunda 2025 senesiniñ başından 6 ay içinde Rusiye arbiyleri 45 talim keçirdi, dep bildirilgen edi.
QRM 2024 senesine köre talimlerniñ sayısı eksilgenini qayd ete, o yıl eñ az 124 tedbir qayd etilgen edi. Aynı vaqıtta, 2025 raqamları 2023-ten daa yüksek – o yıl 40 talim, 2022 senesi ise 20 talim oldı.