İlhaq etilgen Qırımda Rusiye mahkemesi, Kreml nezaretindeki Kefe şeer şurası mebusınıñ salâhiyetiniñ toqtatılması aqqında prokuror arizasını qanaatlendirdi. Mebus, paalı bahşışını bergi beyannamesinde qayd etmedi. Bunı Qırımnıñ rusiyeli prokuraturasınıñ matbuat hızmeti bildire.
"Mahkeme qararı ile prokuror talapnamesi qanaatlendirildi. Şimdilik mebusnıñ salâhiyeti toqtatıldı. Prokuratura, teşkerüv vaqtında, mebus paalı bahşışını bergi beyannamesinde qayd etmegenini tayin etti", - denile beyanatta.
Müessise, mebus qabarcılıqqa qarşı qanunnı bozğanını bildire.
"Prokuror, salâhiyetlerni vaqtından evel lâğu etmeknen qanun bozuqlıqlarını yoq etmek teklifini şeer şurasına taqdim etti. Amma mebuslar, mebus salâhiyetleriniñ qaldırmaq qararına keldiler. Bundan soñra prokuror, şeer şurasınıñ qararını qanunsız tanımaq talabınen, mahkemege ariza yolladı", - dep haber eteler Qırım prokuraturasında.
Haber derc etilgen vaqıtta, mebusnı tefsirleri yoq edi.
