Kefe (Feodosiya) şeer hastahanesi Qırım Sağlıq Nazirligi talap etken sıñırlavlarnı kir koronavirusnen bağlı setmedi.
Qırım.Aqiqat mühbiri haber etkeni kibi, Kefeniñ hastahanesinde hastalarnıñ qabul eteler, planlaştırılğan ameliyatlarğa yazıp qoyalar. Bundan ğayrı, tibbiy müessiseniñ ziyaretine sıñırlav yoq.
Adamlar hastahane içinde raat-raat yüre, binadan çıqa. Bazıları evlerinde geceley.
Hastahaneniñ tibbiy bölügi boyunca reber Sergey Dmitrenko Qırım.Aqiqatqa tefsir bergende, hastahanede sıñırlavlarnıñ yoq olmasını red ete.
"Er seyni kütemiz. Buña mesuliyetli yanaşamız, çünki kerçek problema bar. Hadimlerniñ episi qoruyıcı vastalarnı qullana. Ziyaretçiler içün yekâne karantin tedbirleri: hasta tuvğanlarını yoqlamaylar. Onıñ içün malümatıñız yañlış", - dedi o.
Yarımadada 20 koronavirus hastalığı qayd etildi: 15 - Qırımda ve 5 - Aqyarda.
