45 gektar yanğan Kefe civarındaki Kaygador (Orconikidze) qasabası rayonındaki orman yanğınından soñ nebatat ve ayvanatnı yañıdan tiklemek içün on yıllar kerek olacaq. Bu aqta qırımlı ekolog Margarita Litvinenko sentâbrniñ 20-nde Qırım.Aqiqat Radiosınıñ yayınında ayttı.
«Orman qatlamı aqqında aytsaq, mında ösümlikler olacaq, amma yanğından evel olğanlardan pek farqlı. Kelecek içün aytacaq olsaq, meselâ, Aqyarda çamlar yanğan yanğından soñ orman alâ daa tiklenmedi. Qırımda o qadar çoq orman yoq, esasen çöller, o ormanlar da ekosuniy – on yıllar», – dedi Litvinenko.
Ekolognıñ bildirgenine köre, ormanlar eskisi kibi olmaycaq.
Sentâbrniñ 18-nde aqşam Kefe civarındaki Kaygador (Orconikidze) qasabasında 10 gektardan ziyade meydanda quru ot yandı. Bir qaç saat içinde yanğın meydanı 30 gektarğa yandı.
Sentâbrniñ 19-nda saba yanğın meydanı 45 gektarğa arttı. Bu aqta Rusiye kontrolindeki Qırım ükümetiniñ Fevqulâde vaziyetler nazirligi bildire.
Kefe civarındaki yanğınnıñ ilk sebebi manğalnı diqqatsız qullanılması ola bile, dep bildire Qırımdaki Rusiye Fevqulâde vaziyetler nazirliginiñ matbuat hızmeti.
Daa evel Kefede qamış yandı, dep haber etilgen edi. Alev tarqalmasın dep, Rusiye arbiylerni ateşni söndürmek içün celp etilgen edi.
Qırımda sentâbrniñ 20-ne qadar fevqulâde yanğın telükesiniñ rejimi ilân etilgen edi.
