İşğal etilgen Kefede cermay bazası rayonında sentâbrniñ 29-nda qoyu qara tuman körüne. Bu aqta yerli ve Rusiye telegram kanalları haber ete.
Rusiye tayin etken Qırım yolbaşçısınıñ mesleatçısı Oleg Krüçkov yanğın olğanını tasdıqladı. Onıñ aytqanına köre, yanğın qaynaq işleri bozulğanından çıqtı.
Yarımadada uçucısız ücümi telükesi ilân etilgen edi.
Kefe cermay bazası Qırım işğalinden soñ AO «Morskoy neftânoy terminal» idaresinde buluna. Onıñ küçü yılda 12 million tonna ola, aynı vaqıtta obyektte 250 biñ tonnağa qadar cermay malı saqlana bile.
Rusiyeniñ Ukrayinağa qarşı büyük istilâsı başlağan soñ Kefe cermay bazası ava ücümleriniñ nişanı çoq oldı.