Bu adiseler, apishanelerde siyasiy mabüslerniñ sağlıq vaziyeti pek fenalaşqanı, advokatlarnıñ ve mabüslerniñ muracaatları körmemezlikke urulğanı ve kerekli tibbiy yardım kösterilmegeninen bağlı.
Rusiye akimiyetiniñ böyle areketleri neticesinde 2023 senesi eki qırımlı siyasiy mabüs — Cemil Gafarov ve Konstantin Şiring tibbiy yardım kösterilmegeninden vefat etti, dep hatırlattılar QRS-de.
Qırımtatar resurs merkeziniñ qayd etkenine köre, mabüsler arasında ağır hastalıqlardan zarar körgen qartlar ve saqatlar bar. Olarğa kerekli yardım kösterilmese, olarnıñ alı fenalaşacaq.
Daa evel QMC, 2017 senesinden başlap Rusiye tarafından ilhaq etilgen Qırımda 10 018 insan aqlarınıñ bozuluvı qayd etildi, 6 730-ı tamır qırımtatar halqınıñ vekillerine nisbeten.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.