Keçken künü Rusiye ordusı Herson vilâyetini 3- kere ateşke tuttı, neticede eki adam öldi, dep haber etti Herson vilâyetiniñ arbiy memuriyetiniñ yolbaşçısı Yaroslav Yanuşeviç.
"Rusiye işğalcileri Herson vilâyetini 30 kere ateşke tuttı. Vilâyetniñ tınç yaşayış mıntaqaları toplar, çoqlu ateş raketa sisteması, tank ve mina topularnıñ ücümlerinden zarar kördi", - dep yazdı o.
Herson vilâyetiniñ arbiy memuriyetiniñ yolbaşçısınıñ malümatına köre, Rusiyeniñ ateşke tutmalarından sebep vatandaş infraterkibiniñ obyektleri ve mesken evler zarar körgen.
"Keçken künü ateşke tutmalar neticesinde eki adam öldi, daa bir kişi yaralandı", - dep qoştı Yanuşeviç.
Herson ve vilâyetniñ bir qısmını Rusiye arbiyleri martnıñ başında işğal etti. Noyabrniñ 11-nde Ukrayina Mudafaa nazirligi Herson Ukrayina ordusınıñ kontroline qayta, dep bildirdi. Şeerniñ merkezinde Ukrayina bayrağı köterildi. Ukrayina arbiyleriniñ malümatına köre, Herson vilâyetinde Dnipronıñ sağ tarafında soñki afta içinde 4,5 biñ metr kârede 179 mesken yer işğalden azat etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
