İyülniñ 28-nde aqşam Kazaçya körfezinde silâ anbarı patladı, dep bildire Ukrayına Mudafaa nazirliginiñ Baş istihbarat idaresi.
«İyülniñ 28-nde aqşam saat doquzlarda vaqtınca işğal etilgen Qırımnıñ Kazaçya körfezinde sesli oldı. Şaatlar eki patlav ve silâ patlağanınıñ seslerini eşitti. Bir qaç ilk yardım arabası ve polis arabaları anda ketti», – dep haber ete Baş istihbarat idaresi.
Qayd etilgenine köre, Kazaçya körfezi rayonında şimdi Rusiye Federatsiyası ordusınıñ 810-uncı ayrı deñiz piyade brigadası buluna. «Kelgen malümatqa köre, diversiya neticesinde patlavlar ve silâ patlavı raşistlerniñ silâ «anbarında» oldı», – dep qoşa Baş istihbarat idaresi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Qırım.Aqiqat jurnalistleri Rusiyeniñ Ukrayınağa qarşı büyük istilâsı başlağanından Qırımda Rusiye ordusınıñ arbiy ve logistik qurulışlarına qarşı yapılğan 60-tan çoq darbeni bilip, olarnı Qırımnıñ interaktiv haritasında qayd etti.
Mayısnıñ 10-nda Azatlıq Radiosınıñ leyhası olğan Qırım.Aqiqatjurnalistleri 2014 senesi Rusiye tarafından işğal etilgen Qırım yarımadasınıñ Rusiye Federatsiyasınıñ 223 çalışqan, muvaffaq ve qapalı arbiy obyektleriniñ haritasını derc etti. Anda iyülniñ 19-nda patlav ve yanğınlar olğan «Starokrımskiy» poligonı da qayd etilgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
