Rusiye akimiyeti "Kavkaz" limanında naqliyat infrastruktura obyektlerinde yaqıt-mayt malzemeleri ve himiyeviy mahsulat toplanmasını sıñırlamağa qarar aldı. Bu aqta TASS agentligine Rusiye FSB-siniñ idaresinde bildirdiler.
İş reglamentine "Verp", МВТ "Kavkaz", "Yügneftehimtranzit" şirketleri, em de "Rosmorport" FGUP-nıñ Azaq-Qara deñiz basseyn filialınıñ territorial idaresi deñişmeler kirsetti.
"Büyük zarar telükelerini eksiltmek içün patlav telükesi ve himiyeviy elementlerniñ ticaretini eksiltmek meseleleri baqıldı", — dep aytıla haberde.
Bundan da ğayrı, "Kavkaz" limanınıñ müendis-tehnik ve fizikiy qoruvını quvetleştirmek içün tedbirler alındı, dep haber ettiler FSB-niñ Krasnodar bölüginde.
İyülniñ 23-nde Ukrayina Arbiy Silâlı Quvetleriniñ Baş ştabı Rusiyeniñ Krasnodar ülkesinde "Kavkaz" limanında "Slavânin" Rusiye demiryol paromınıñ bozulğanını tasdıqladı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
