«Karitas Ukrainı» hayriye teşkilâtı Qırımdan mecburen ketken adamlarğa yardım etmek içün «Fevqulâde vaziyette yardım noqtası» adlı leyha başlay.
«Leyhanıñ esas maqsadı ğarbiy Ukrainada qaçaqlarnıñ yaşav, bağ tutuv ve ihtiyaclarına qıymet kesmektir. Bunıñnen beraber, qaçaqlarnıñ cedvelini tizmeli, olarnıñ ihtiyaclarına teñ kelgen bir programmanı teklif etmeli», – denile teşkilât saytında yerleştirilgen beyanatta.
Qırım qaçaqlarınen oğraşqan cemaat teşkilâtlarınıñ malümatına köre, al-azırda Ukraina qıtasında Qırımdan mecburen köçip kelgen 15 biñ insan yaşay, aytıla beyanatta.
«Qaçaqlar ve faallerniñ aytqanına köre, akimiyet tarafından qaçaqlarğa kösterilgen yardım semereli degil, maqsadsız ve ilerilemegen bir şey. Bundan ğayrı, «Vaqtınca işğal etilgen territoriyada vatandaşlarnıñ aq-uquqları ve serbestliginiñ temini aqqında» qanunğa ait içtimaiy qoruv kefillerine riayet etilmey ve köçip kelgenlerni qayd etüv esnası semereli degil. Qaçaqlardan bazıları bugünde-bugün qayd etilmegen, çünki «acele bağğa» telefon etip, yardım olmağanını añlaylar: bir şey yapıp olamayıq. Mayıs 23-de olar Kiyevde toplaşalar», – dep aytalar «Karitas» teşkilâtında.
Teşkilâtta bergen malümatlarğa köre, qaçaqlarğa aş ve eşyalarnı toplamaq ve tarqatmaq, uquqiy meseleler (vesiqalar, nefaqa ve içtimaiy yardım resmiyleştirüvi), naqliye hızmetleri, yaşav ve iş meselelerde yardım etecekler.
«Leyhanıñ esas maqsadı ğarbiy Ukrainada qaçaqlarnıñ yaşav, bağ tutuv ve ihtiyaclarına qıymet kesmektir. Bunıñnen beraber, qaçaqlarnıñ cedvelini tizmeli, olarnıñ ihtiyaclarına teñ kelgen bir programmanı teklif etmeli», – denile teşkilât saytında yerleştirilgen beyanatta.
Qırım qaçaqlarınen oğraşqan cemaat teşkilâtlarınıñ malümatına köre, al-azırda Ukraina qıtasında Qırımdan mecburen köçip kelgen 15 biñ insan yaşay, aytıla beyanatta.
«Qaçaqlar ve faallerniñ aytqanına köre, akimiyet tarafından qaçaqlarğa kösterilgen yardım semereli degil, maqsadsız ve ilerilemegen bir şey. Bundan ğayrı, «Vaqtınca işğal etilgen territoriyada vatandaşlarnıñ aq-uquqları ve serbestliginiñ temini aqqında» qanunğa ait içtimaiy qoruv kefillerine riayet etilmey ve köçip kelgenlerni qayd etüv esnası semereli degil. Qaçaqlardan bazıları bugünde-bugün qayd etilmegen, çünki «acele bağğa» telefon etip, yardım olmağanını añlaylar: bir şey yapıp olamayıq. Mayıs 23-de olar Kiyevde toplaşalar», – dep aytalar «Karitas» teşkilâtında.
Teşkilâtta bergen malümatlarğa köre, qaçaqlarğa aş ve eşyalarnı toplamaq ve tarqatmaq, uquqiy meseleler (vesiqalar, nefaqa ve içtimaiy yardım resmiyleştirüvi), naqliye hızmetleri, yaşav ve iş meselelerde yardım etecekler.
