Link açıqlığı

Kanadada Qırım işğaline qarşı çoq milletli narazılıq aktsiyası ötkerildi


Bazar künü, martnıñ 30-da, Monreal şeerinde Qırım işğaline qarşı çoq milletli narazılıq aktsiyası olıp keçti. Tedbirde Gürcistan, Moldova, Latviya, Romaniya, Litva ve Suriye cemiyetleriniñ vekilleri iştirak etti.

Mitingniñ bir qaç iştirakçisi «Ukrain cemiyetiniñ beyannamesini» qabul etip, bu qıyın siyasiy devir vaqtında Ukrainağa qol tutqanlarını ve Rusiye siyasetini takbih etkenlerini bildirdiler.

Frenk tilinde yazılğan vesiqağa binaen, «Rusiye ordusınıñ Ukrainağa istilâsı neticesinde memlekette içtimaiy buhran yüz berdi. Ukraina Kreml imperialistik siyasetiniñ qurbanı oldı. İstilâcını şimdi toqtatmasaq, dünyadaki barışıq havf altında qalacaq».

Faaller Kanada ve Kvebek ükümeti, Monreal yolbaşçılığından Rusiyege qarşı cezalar talap eteceklerini ilân etip, Rusiyeni diger devletlerniñ bir olmasını ürmet etmege mecbur etecek olalar.
XS
SM
MD
LG