Link açıqlığı

Saatnıñ esas haberi

Qırımlı qadın Kanadada Rusiyeniñ ücümi sebebinden Ukrainağa biñlernen kilogramm gumanitar yardım topladı


Kalgaride Ukrainağa yardım toplaylar, Kanada
Kalgaride Ukrainağa yardım toplaylar, Kanada

Qırımlı Aleksandra Yankovskaya Rusiyeniñ silâlı ücümi sebebinden Ukrainağa toplanğan biñlernen kilogramm gumanitar yardım toplağanı aqqında Qırım.Aqiqatqa bildirdi.

Onıñ malümatına köre, Kalgari şeerinde 23 saat içinde 4057 kg (361 qutu) toplandı, biñden çoq insan bağış berdi. Yankovskaya, 300 göñülli saylap ayırdı, sarğıladı, saydı ve yükledi, dep haber etti. Onıñ qayd etkenine köre, bu birinci tranş edi, şimdi nevbetteki yollav işlene. Ukraina içün gumanitar yardım Red-Dir (4 biñ kg) ve Edmonton şeerlerinde (5 biñ kg) toplandı.

Kalgaride gumanitar yardım toplaylar
Kalgaride gumanitar yardım toplaylar

Yankovskaya, göñülliler ilâc, ine, qan berüv sistemaları, ağrı kesken ilâclar, sediye, aş, şu cemleden bala aşı, bez topladı, dep qayd etti. Kanadadan Ukrainağa dron, közlük, dürbin, ratsiya ve daa çoq şey berilecek.

Onıñ qayd etkenine köre, martnıñ 2-3-nde qutular Poloniyağa kete, andan ise Lvivge ketecek.

Ukrainada Rusiye ücüm etken soñ arbiy vaziyet ilân etildi. Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti.

Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG