Bu sene "Eurovision" yır yarışında ğalebe qazanğan Kalush Orchestra ukrayin gruppası öz mukâfatını 900 biñ dollarğa arac-mezat sattılar.
Mezat YouTube-da yayınlandı. Aktsiyanı alıp barıcı ve cemaat erbabı Sergiy Prıtulanıñ hayriye vaqfı teşkil etti. ВВС rus hızmetiniñ malümatına köre, ğalip teklif Ukrayina kriptovalüta birjalarından biriniñ kriptovalütasında etilgen.
Daa evel Prıtula, teşkilâtçılar toplanğan parağa Ukrayina Silâlı Quvetçileri içün PD-2 Ukrayina pilotsız uçaqlarını satın almağa istegenlerini bildirgen edi.
Bazar künü Berlinde Brandenburg Qapısında "Save Ukraine – #StopWar" hayriye şou keçirildi, anda dünyaca belli yıldızlar, şu cümleden Kalush Orchestra gruppası iştirak etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
