Link açıqlığı

Çeçenistan Cumhuriyetiniñ başı Ramzan Kadırov içtimaiy ağlarda Qrımnıñ öz başına tayin etilgen baş nazir Sergey Aksönovnıñ ziyareti aqqında tarif etti.

Aksönovnıñ qabul olunuvı aqqında Kadırov Twitterde ikâye ete ve Qırım «baş naziri»ne spetsnaz içün arbiy tehnikanı köstergen vaqıtta çıqarılğan fotolarnı taqdim etti.

«Mesken yerniñ yanında erleşken tabiat qoruğına ekskursiyağa bardıq… Bundan da ğayrı, ormannıñ ortasında qurulğan turistik bazasına barıp keldik… Ve, ebet, Sergey Valeryeviçke spetsnaz içün zemaneviy arbiy tehnikanı kösterdim», – dedi Kadırov.


Bundan da ğayrı, Kadırov Çeçenistanda Aksönov ile keçirilgen raatlığı aqqında hususan onı nasıl aşlar ile sıyladılar ve nasıl etip eglendirgenini tarif etti.


«Dostlarım bizni Qırım Cümheriyetiniñ Başı Sergey Aksönov ile gölde raatlanmağa davet ettiler. Balıq tutmadıq, doğrusı, amma çeçen şiş kebapnı ve diger milliy yemeklerni aşadıq. Hususan raatlığımıznı folklor taqımnıñ çıqışı yaraştırdı. Menimce, Sergey Valeryeviç Şarpuddi İsmailovnıñ dağ qartalı ve Makka Mejiyevanıñ «Kuban kazakları» filminden yırlanğan türkülerni begendi», – dedi Kadırov.


Aksönov Groznıy şeerine Ramzan Kadırovnıñ daveti ile cumaertesi künü keldi. Olar çeşit saalarda işbirlik planlarını muzakere etmek kerek ediler, şu cümleden, tasil, sağlıq saqlav, sport saaları ve ilhr.
XS
SM
MD
LG