ZMINA insan aqları merkezi Qırımda çalışqan memurlarnıñ şahsiy malümatlarını toplağanını bildire. Bu cedvelde Rusiye FSB-sonıñ hadimleri, tahqiqatçılar, prokurorlar, mahkemeciler, SİZO, apishaneler ve tibbiy hızmetlerniñ reberleri bar.
"Bu cedvel, cinayetçilerge sanktsiyalar kirsetilmesi içün Ukrayinada ve çetelde ilerideki advokatlıqnıñ temeli olacaq", — dep qoştılar mında.
Matbuat konferentsiyasında ZMINA insan aqları Merkeziniñ leyhalar meneceri Viktoriya Nesterenko, ZMINA insan aqları Merkeziniñ talilcisi Narguzel Abibulayeva, Ukrayina Prezidentiniñ QMC Daimiy Temsilcisiniñ muavini Denis Çistikov, QMC ve Aqyar prokuraturası reberiniñ birinci muavini Vitaliy Sekretar iştirak etecekler.
Tedbir oktâbrniñ 21-nde saat 11:00-da Ukrayin buhran mediamerkezinde keçirilecek.
Bundan evel Qırım.Aqiqat Radiosınıñ yayınında Viktoriya Nesterenko, ZMINA insan aqları merkezi bir buçuq yıl devamında tedqiqatlar keçirdi ve eñ yaqın vaqıtta Qırımnıñ Ukrayina tarafdarlarını taqip etken 35 Rusiye memurınıñ cedvelini taqdim etmege azır, dep bildirdirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
