Filmniñ treylerini mında baqmaq mümkün. Taqdim etüvden soñ "Rusiye-Ukrayina cenkinde tamır halqlarnıñ rolü: halqara yardım" adlı munaqaşa keçirilecek, mında filmniñ qaramanları da iştirak etecek. Tedbirge çetel memleketlerniñ elçihaneleriniñ vekilleri, Ukrayina akimiyetiniñ devlet organları, jurnalistler, faaller qoşulacağı beklenile.
Tedbir ''Opera'' musafirhanesinde keçirilecek (Bogdan Hmelnitskiy, 53). Saat 3-te başlana.
Daa evel Qırım.Aqiqat "Sessiz sürgünlik" leyhasını taqdim etken edi. Film qırımtatarlarnıñ Qırımdan sürgün etilüvi aqqında. Filmniñ qaramanları öz ayat ikâyelerini, Rusiye tarafından ilhaq etilgen yarımadanı nasıl terk etkenlerini, neler başlarına kelgenini, ne içün qalmağa çare yoq olğanını, şimdi qayda ve nasıl yaşağanlarını ve Qırımğa qaytıp olamaycaqlarını ikâye ettiler.
Olarnı apiske aldılar, işkencege oğrattılar, taqip ettiler, ölümnen qorquzdılar. Olar Rusiye ordusında buluna bile ediler. 1944 senesiniñ tarihı tekrarlana: o vaqıt sovet akimiyeti qırımtatarlarnı zornen yük vagonlarında alıp ketti, şimdi ise Rusiye Qırımnıñ tamır halqınıñ vekillerini evlerini terk etmege mecbur ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
