Sentâbrniñ 24-nde Qırımdan ukrayinalı arbiy İldar Egamberdiyevniñ cenazesi olacaq, dep bildirdi Qırımtatar Milliy Meclisiniñ reisi Refat Çubarov.
Arbiy iyünniñ 8-nde Zaporijjâ vilâyeti yönelişindeki uruşlarda elâk oldı. Egamberdiyev 47-nci ayrı mehanikleştirilgen brigadanıñ bölükleriniñ erkânında cenkleşe edi, dep qayd etti Çubarov.
Onıñ sözlerine köre, cenaze merasimi saat 13:00-te başlanacaq. Adres: Kıyiv vilâyeti, Petropavlovskaya Borşçagovka köyü, Mira 5 soqağı.
Qışta Ukrayinada Rusiyege qarşı cenkte qırımtatar Asan Seydametov elâk olğan edi.
Daa evel Ukrayinadaki cenkte qırımtatar Seyran Kadırov elâk olğan edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
