Kıyivde quralaynıñ 7-nde ilk "Qırım ve qırımtatar halqınıñ tarihındaki müim ve unutılmaz vaqialar taqvimiñ"niñ taqdim merasimi keçirilecek. Bu aqta tedbirniñ ilânında aytıla.
Qayd etilgenine köre, bu kitap — Qırım ve tamır halqınıñ yaşayışınıñ bütün saalarınıñ inkişafına büyük isse qoşqan belli şahıslar ve tarihiy vaqialar aqqında malümatnı bir neşirde birleştirmek içün ilk ıntıluvdır.
"Eminmiz ki, bu taqvim oquyıcılarnıñ Qırımnıñ tamır halqınıñ tarihı ve medeniyet inkişafına qoşqan issesi aqqında bilgilerini arttıracaq, ve daa da müim, haber alanında qırımtatarlarğa nisbeten yañlış malümatnı yoq etmege yardım etecek", — dep aytıla ilânda.
Taqdim merasimi quralaynıñ 7-nde saat 17:00-de Qırım evinde keçirilecek.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
