Kıyivde "Qırım içün" bediiy sergisi boyunca dörtünci açıq ekskursiya keçirildi, onı serginiñ kuratorı Mavile Halil keçirdi. Bu aqta Ukrayina prezidentiniñ Qırım Muhtar Cumhuriyetindeki Temsilciliginiñ matbuat hızmeti bildirdi.
"Musafirler sürgünlik — Rusiye Federatsiyasınıñ (o vaqıt RŞFSC) Ukrayinanıñ tamır halqı olğan qırımtatarlarğa nisbeten, Rusiye imperiyası tarafından başlatılğan ve alâ daa devam etken müstemlekecilik siyasetiniñ eñ yüksek noqtası aqqında tarif etken ekskursiya materialınen tanış oldılar. Er bir ziyaretçi qırımtatarlarnıñ şekillenmesinden başlap, ana toprağında yaşamaq aqqı içün küreşke qadar bütün sınavlar ve adaletsizliklerden keçlen yolunı körip oldı", — dep aytıla müessiseniñ haberinde.
Nevbetteki açıq ekskursiya iyünniñ 7-ne saat 18:00-da "Qırım platforması" ofisinde olacaq.
2024 senesi mayısnıñ 17-nde "Qırım platforması" ofisinde qırımtatar yazıcısı Şevka Bektoreniñ şiirinden alınğan "Qırım içün" sergisi açıldı.
Sergi er bir ziyaretçiniñ qırımtatar halqınıñ şekillenüv yolundan başlap, bütün sınavlar ve adaletsizliklerge baqmadan, tuvğan toprağında yaşamaq aqqı içün küreşiniñ zemaneviy basamağına qadar keçmesi içün yapılğan.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
