Kıyiv şeeriniñ arbiy memuriyeti Rusiye ücüminiñ neticesinde Solomenskiy rayonında yıqılğan parçalar aqqında bildirdi.
"Kıyivge endirilgen raketa darbesiniñ neticesinde paytahtnıñ Solomenskiy rayonında yıqılğan parçalar qayd etildi. Operativ hızmetler bu yerge kele. Zarar körgenler aqqında malümat alına", — dep aytıla haberde.
Bugün, iyül 8-de, Kıyivde patlavlar oldı. Şeer yolbaşçısı Vitaliy Kliçko, Kıyivniñ Solomenskiy rayonına ekimler yollanılğanını bildirdi.
Ukrayina Silâlı quvetleriniñ ava quvetleri iyülniñ 8-nde saat 10.00 yaqın bir qaç Rusiye raketalarınıñ areket etüvi aqqında tenbiledi. Bütün Ukrayina boyunca ava telükesi ilân etildi.
Rusiye arbiyleri Ukrayina regionlarına çeşit silâlardan muntazam surette ücüm ete. Delillerge ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümni red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
