Kıyiv vilâyetinde gece yapılğan Rusiye dronlarınıñ ücümi neticesinde üç insan elâk oldı, dep bildire Ukrayinanıñ Fevqulâde vaziyetler devlet hızmeti.
Brovarıda bir çift elâk oldı: 1965 senesi doğğan qadın ve 1966 senesi doğğan erkek. Şahsiy evlerine dron parçaları tüşti, onıñ neticesinde ev yandı, dep bildire Fevqulâde vaziyetler nazirligi. Ateş endi söndürildi.
Fastov rayonında 10 qatlı evniñ içine dron parçaları tüşti — yanğın çıqtı, 36 yaşında erkek elâk oldı. Daa 150 insan tahliye etildi, qurtarıcılar yanğınnı söndürmege devam ete. Daa eki insan zarar kördi: biri nefes yollarınıñ yanıqlarını aldı, digerinde ise streske keskin reaktsiya oldı, dep añlattı Kıyev vilâyet memuriyetiniñ yolbaşçısı Nikolay Kalaşnik.
Rusiye 2022 senesi fevralniñ 24-nde Ukrayinağa tam mıqyaslı istilâsını başladı. BMT-nıñ malümatına köre, 2024 senesi noyabr ayına qadar Ukrayinada on eki biñden ziyade insan öldürildi, aman-aman yigirmi yedi biñ yaralandı. BMT Rusiye arbiyleri tarafından silâsız adamlarnıñ öldürüvi, hırsızlavı, işkence, scinsiy zorbalıq, sert yanaşuv ve keyfiyetsiz tutuluvını qayd etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
