Almaniya kantsleri Olaf Şolts, Kıyiv ve Moskva arasında aytışmalar RF ordusınıñ Ukrayinadan çekilmesinden soñ mümkündir dep saya. Bunı o Heilbronner Stimme intervyü berir eken bildirdi.
"RF tarafından Ukrayina topraqlarından ordusını keri çekmek kibi qatiy bir qarar kerek. Rusiye ise buña şimdilik azır degil", - dep ayttı o.
Almaniya kantsleriniñ fikrince, RF prezidenti Vladimir Putin ile aytışmağa mantıqlıdır ve o bunı devam etecek.
"Şimdiki vaziyette olarnen laf etmek kerek, men bunı em keçken sene yaptım em şimdi de yapacam", - dep qoştı kantsler.
Keçken aftanıñ soñunda Reuters agentligi Almaniya ükümeti Ukrayinağa arbiy yardımnı eki qat arttırmağa razı olğanını bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
