2019 senesi küzde qırımtatar asıllı Ukraina yırcısı Jamala icadiy faaliyetiniñ 10 yılına bağışlanğan Ukraina turuna çıqacaq. Bu aqta yırcınıñ matbuat hızmeti bildire.
Tur 12 şeerni qavrap alacaq, sentâbrniñ 29-nda Obuhivde başlap, dekabrniñ 5-nde Mıkolayıvde kontsertnen yekünlenecek.
Programma «10» adını aldı ve Jamalanıñ eñ eyi eserlerinden ibaret olacaq – You’re Made Of Love debüt müellif yırından başlap platin prodüseri Brian Todd yolbaşçılığında amerikan müellifleri yazğan Solo yañı yırına qadar.
Tur künleri aqqında tafsilâtlı malümat yırcınıñ resmiy saytında mevcut.
Qırımtatar asıllı ukrainalı yırcı Jamala 2016 senesi İsveçiyada «Eurovisionda» ğalip çıqtı. O, qırımtatar halqınıñ sürgünligini tarif etken «1944» yırını icra etti. Ukrainalı yırcı ğalebe qazanğan soñ 2017 senesi yarış Kyivde keçirilgen edi.
