Link açıqlığı

Saatnıñ esas haberi

321 kün SİZOda. Asan Çapuhnıñ ikâyesi (video)


321 kün SİZOda. Asan Çapuhnıñ ikâyesi (video)
Bekleñiz, lütfen

No media source currently available

0:00 0:02:02 0:00

Mishor (Büyük Yalta) sakini Asan Çapuh 11 ay Aqmescit SİZOsında yatıp çıqtı. Qırımtatar faali «Veciye Kaşka davası» çerçivesinde para talap etüvde qabaatlanıp üç semetdeşinen beraber tutulğan edi. 2017 senesi noyabrniñ 23-nde Aqmescitte Rusiye uquq qoruyıcıları Kâzim Ametov, Asan Çapuh, Ruslan Trubaç ve Bekir Degermencini tutıp aldı. Olar Türkiye vatandaşı Yusuf Aytandan para talap etüvde şeklene. Rusiye uquq qoruyıcıları faallerni tutqanda qırımtatar milliy areketiniñ veteranı Veciye Kaşka yaramadı. İlk yardım maşinasında qadın can berdi. Qırımtatar Milliy areketiniñ faali Nariman Celâlnıñ bildirgenine köre, faallerniñ tutulmasına sebep olğan Türkiye vatandaşı Veciye Kaşkanıñ qorantasından para hırsızladı. Asan Çapuh tutulğan soñ uquq qoruyıcılar evini tintti, FSB hadimleri silâ tapılğanını bildirdi. Çapuh Rusiye Ceza kodeksiniñ 222-nci maddesine istinaden (silânı qanunsız şekilde saqlav) qabaatlandı. Al-azırda Asan Çapuh sağlıq vaziyetinden sebep davanıñ qalğan mabüsleri kibi ev apsinde buluna.

XS
SM
MD
LG